Frítúr

Þessa dagana er ég í frítúr og á Skaganum með Rannveigu og stelpunum. Rannveig er í staðlotu í KHÍ og ég reyni að hafa ofanaf fyrir stelpunum á meðan.

Ég kom austan frá Vopnafirði aðfaranótt mánudagsins í arfavitlausu veðri með flutningabíl frá Ragnari og Ásgeir sem var að fara með fiskinn af okkur vestur í Rif. Sá sem kom að sunnan til að leysa mig af lenti í þvílíkum hrakkningum og þurfti Björgunarsveitin á Héraði að bjarga honum tvisvar ofan af heiðum fyrir austan. Örvar komst svo ekki út frá Vopnafirði fyrren í hádeginu á mánudag og varð svo að halda í var við Langanes í gær og lá þar fram á miðja nóttina, þá dúraði og þeir gátu farið að leggja.

Ég skaust svo í nótt suður í Þorlákshöfn að kíkja aðeins á þá á Friðriki Sigurðssyni og ná í smávegis sem ég átti þar. Ég tók yfirstýrimanninn af honum með úr Kópavogi, en hann var að koma úr fríi, og tók svo 2. stýrimann með í bæinn í frí. Þeir eru í ufsa og það er hörku fiskirí og mikið púl. Línan er bara hobbý miðað við það.

Það verður víst að segjast að þetta árið hafi veturinn skollið snemma á fyrir norðan og austan, og með þvílíkum krafti að maður hefur ekki séð annað eins á þessum árstíma í seinni tíð. En samkvæmt spám á þetta að réna næstu daga og hlýna aftur í bili. Þó var kominn það mikill snjór á Akureyri og í Víkurskarðið að hann er varla á förum áður en næsta hret skellur á. Eða það held ég allavega.

Bakkafjara.

Svona lítur Bakkafjara út á góðum degi!

Ekki fyrir sjóveika.

Smáey VE, nú Þorvarður Lárusson SH frá Grundarfirði í brælu við Vestmannaeyjar

Þjóðhátíðarferð Bubba

Dæmi nú hver sem vill.

Sjósókn frá Rifi

Þetta myndband sýnir Björgunarskipið Björg frá Rifi sækja Kára SH frá Stykkishólmi, eftir að hann varð vélavana vegna þess að sjór komst í olíuna.

Hvar eru bissnesmennirnir?

Það fer ekki mikið fyrir glamúrnum hjá þotuliðinu þessa dagana, nema að því undanskildu að einhver umfjöllun er um snekkju Jóns Ásgeirs. Spaugstofan á laugardag var alveg frábær Egill Helgason í hlutverki rukkarans að rukka Jón Ásgeir með öllum ráðum og lífverðir til sölu í Byko og Húsasmiðjuni. Þökk sé að við getum haft Spaugstofuna til að hressa uppá sálarlífið þessa dagana, ásamt Dagvaktini, sem tekin er upp í minni heimasveit Reykhólasveit. Það fallegt í Bjarkarlundi sem og annasstaðar í sveitini.

Skrýtnir tímar, en alltaf ljós í myrkrinu.

Ég hef ekki verið mikið að blogga þessa dagana. Þar er líklega aðllega leti um að kenna og það að þegar ég hef verið og þá sjaldan í fríi, þá hefur fjölskyldan gengið fyrir. Í dag fórum við sem dæmi í skírn hjá systir minni á Skaganum, þar sem systurdóttir mín var skírð af séra Eðvarð Ingólfssyni sóknarpresti á Akranesi. Þess má til gamans geta að hans bernskuslóðir eru á Hellissandi. En hérna ólst hann upp og þekkir örugglega hverja þúfu. Skagamenn eru mjög heppnir með sóknarprest, því eins kærleiksríkan og góðan mann eins og séra Eðvarð er ekki víða að finna. Hann gifti okkur og skírði dætur okkar báðar. Aníta Sif sú yngri var skírð heima hjá okkur í Krókatúninu í byrjun sumars 2005. Eldri dóttirin var rétt orðin 2 ára og var svo hrifin af séra Eðvarð að þegar hann tók hana í fangið þegar hann var að fara og spurði hvort hún vildi bara ekki koma með sér, þá var Embla fljót að svara já í fúlustu alvöru. Það er því ömurlegt til þess að hugsa að menn sem hugsuðu meira um Mammon og veraldleg gæði skuli nú vera að gera framtíð veslings barnsins sem í dag var verið að skíra til kristni, óörugga og dökka. Það ljómar ekki kærleikurinn og friðurinn kringum þá í dag

Þetta er svona kveðja til þeirra sem nú bera ábyrgð á hvernig framtíð barnana okkar er í dag, það er hæpið að þau rúnti um á Range Rover í framtíðini eins og þeir.

Í fyrsta gír.

Þessa stundina erum við á Örvari í höfn á Þórshöfn á Langanesi. Það er ólíku saman að jafna Reykjavík og Þórshöfn, munurinn er svo mikill fyrir fólk sem vant er hraðanum og iðuni í höfuðborgini. Samt er þþað nú svo að fengi ég tvo möguleika með hvar ég vildi búa, Þórshöfn eða Reykjavík, þá held ég að höfuðborgin yrði fyrir valinu, því mér fer að líða illa hafi ég ekki iðandi mannlíf í kringum mig.

Lék í þessari

Ég lék Mr Rodricers co worker.

Líklega sá Hólmari sem hefur verið næst því að komast til Hollywood.

Gott að ekki fór verr.

Það er mikil mildi að ekki fór verr, því það er alltaf mikil straumur í kringum Stykkishólm. En mér finnst skrítið að ekki skuli hafa verið farið strax á einhverri trilluni til bjargar, því ekki eru þær fáar í höfnini í Stykkishólmi.

Bjargað á land eftir að plastbát hvolfdi