Fiskifræðingar í kreppu.

Mér finnst mjög gott mál að landbúnaðar - og sjávarútvegsráðherra skuli hafa gefið speki fiskifræðingana uppá bátinn. Undanfarinn tvö ár hefur hræðslusjónarmið þeirra fengið að ráða ferðini röksemdalaust. Þeir hafa undanfarin 20 ár predikað um það að ef við ekki förum nákvæmlega eftir þeirra orðum og gerðum, verði enginn þorskur eftir á Íslandsmiðum. Við okkur mundi bara blasa ástand á borð við Nýfundnaland. En hver er niðurstaðan. Það er sama hvar veiðarfæri er dýpt í sjó, allstaðar er glorhungraður þorskur, enda hafa þeir uppá von og óvon, leyft nánast óheftar loðnu - og síldveiðar alveg uppí landsteina, án þess að vita nokkurn skapaðan hlut hversu stórir þeir stofnar eru. Það sérst best á því, að ár eftir ár á þessum árstíma, stendur yfir umfangsmikil loðnuleit, vegna þess að þeir vita ekkert um hvort eitthvað skili sér til baka eða að stórt skarð sé komið í stofninn og hann því óveiðanlegur. Og þetta kallast fiskifræði!!!

Valdið er hjá ráðherranum

Athugasemdir

[jahá (IP-tala skráð) 19.1.2009 kl. 20:46]

jahá djöfulsins harka er í þessum vélavörðum... læra að nota skrúflykil og skrúfjárn ásamt því hvernig á að lesa úr og framkvæma flókinn reiknilíkön og það sem meira er geta gert það betur en hafrannsóknarstofnun Íslands og það sem meira er þurfa bara að hafa einn bát til þess að meta stofnstærðir með ekki með nokkrum bátum og gögnum frá öllum bátum.. Vá ég verð bara að segja þetta er annsi rosalegt.... ég er ekki viss um að ég gæti þetta ég eiginlega bara dáist að þér... læra menn meira en þetta, þegar menn eru að læra að verða vélaverðir?

[Sigurbrandur Jakobsson, 19.1.2009 kl. 21:37]

Það er nú varla að ég nenni að svara svona heimsku, en ef ég væri nú bara vélavörður. Fyrir utan það að ég er búinn að þvælast á sjó í um 20-25 ár. Þar af í 12 ár skipstjóri á eiginn bátum.

[Sigurður Sigurðarson, 20.1.2009 kl. 08:57]

Það er guðsgjöf að hafa svona klárann ráðherra sem útbýtir þjóðareign til hægri og vinsti en aðeins til útvalinna.  Fiskur veiddur í dag drepst ekki af elli og því borgar sig að loka hafró og veiða allt þetta drasl, þá er það búið.  Þetta er jú "eign" nokkurra útvalinna greifa og það er ekki okkar almúgans að skipta okkur að því.  Þegar þetta er búið þá þurfum við ekki að hlusta á grátstafina frá LÍÚ og vælinn í frystihúsaeigendum.  Síðan getum við flutt til útlanda og allt verður gott :)