Sea Shepherd en að trufla hvalveiðar

Það er með ólíkindum hvað Paul Watson og félagar í Sea Shepherd ætla að halda út baráttu sinni gegn hvalveiðum. Ef mig misminnir ekki þá eru komin rúm 22 ár síðan liðsmenn hans laumuðust hingað til lands og sökktu tveim aflóga hvalbátum sem var eiginlega þegar búið að leggja, og töldu sig hafa unnið mikið afrek í baráttu gegn hvalveiðum. En furðulegra er að hann skuli en fá peninga til að halda þessu úti.

Ein skipsfélaga minna á Friðriki Sigurðssyni sagði mér þá sögu í sumar, að fyrir nokkrum árum var hann á systurskipi Engeyjar RE 1 (sem var í eigu Granda þar til fyrir nokkru síðan), á veiðum við Alaska. Þá lenti hann í návígi við Greenpece, og þótti ekki mikið koma til aðferða þeirra. Þeir komu að togaranum á tveim slöngubátum og annar bátanana hélt sig í öruggri fjarlægð, en hinn fór uppað skut togarans, þar sem þeir voru að hífa inn trollið. Sá bátur var mannaður unglingum á bilinu 18-20 ára gömlum. Krakkarnir reyndu að hanga í trollinu og rífa það meðan þeir voru að koma því inn, en höfðu ekki erindi sem erfiði. Þeir á togaranum gátu náttulega ekki stillt sig um að bleyta aðeins í þeim og smúluð aðeins á liðið. Þegar að trollið var svo komið inn stóð til að færa sig til á veiðislóðini og skipstjórinn setti á ferð, en tók ekki eftir því að bátur krakkana var alveg við skutinn. Við þetta festist hann í skrúfuvatninu og hringsnérist með gríslingana innanborðs öskrandi af hræðslu og saup inná sig sjó og hálffyllti. Það steindrapst á mótornum, og eftir að hafa látið þetta aðeins viðgangast nokkur andartök kallaði félagi minn sem var þarna dekkformaður uppí brú og lét skipstjóran vita hvað væri að gerast. Hann sló þá umsvifalaust af og báturinn losnað frá fullur af sjó, og með ofsahrædda unglinga innanborðs. Hinn slöngubáturinn kom þá loksins og dró þann fulla frá togaranum. Þá sá félagi minn það að í þeim bát vöru forsprakkarnir með mikil myndavélabúnað, til að ná sem bestum myndum af átökunum, sem í sjálfum sér engin voru. Félaga mínum fannst þetta frekar low vinnubrögð að beita svona unglingum sem ekkert vissu greinilega hvað þau voru að gera og hefði getað endað mjög illa hjá. Hann missti allt álit á Greenpece eftir þetta og ekki síst eftir að samtökin gáfu út fréttatilkynningu þess efnis að þeir hefðu stöðvað veiðar þessa verksmiðjutogara við Alaska, sem náttulega ekki var rétt.

Svona er nú áróðursstríðið heiðarlegt.

Sea Shepherd í átökum við hvalveiðimenn