Skora á mótmælendur

Það að ætla sér að hafa 8 ára gamalt barn á mælendaskrá, er með ólíkindum heimskulegt. Það fyrsta sem mér dettur í hug eru skæruliðar sem nota konur og börn sem lifandi skildi. Ég skora því á mótmælendur að taka þetta til endurskoðunar.

Það er með ólíkindum hvað maður er búinn að upplifa og horfa uppá undafarna mánuði og misseri. Að hópur fólks skuli komast upp með eignaspjöll og skrílslæti í nafni mótmæla, og eins og ég og fleiri hér á blog.is, höfum mátt þola, að ef við svo mikið sem látum í ljós að okkur sé þetta ekki að skapi, því þetta sé orðið svo heimskulegt, og tilgangslaust. Þá fáum við þvílíkar formælingar, svífvirrðingar og hroða yfir okkur, að maður veltir fyrir sér hvort fólk sé ekki orðið mennskt.

Margt af þeim sem láta hvað hæðst, og fara um með spjöllum, og formælingum í garð þeirra sem eitthvað vilja, að fólk taki sér tak og fari að slaka aðeins á í látunum, er fólk sem vaðið hefur uppi um fjöll og fyrnindi undanfarin 2-3 ár að mótmæla virkjunum og stóiðjuuppbyggingu, með eignaspjöllum og frekju. Í sjálfu sér er ekkert útá Raddir fólksins að setja, nema þetta með barnið, ef ekki væri eins og þessi hópur, eða hópar væru ekki að verða andlit fylkingarinar útávið. Fólk á svo sannarlega rétt á að mótmæla hvar í flokki sem það stendur, og fær það hvort sem það er í Sjálfstæðisflokknum eða Samfylkingu. En um leið og mótmæli fara að leysast uppí eignaspjöll og ofbeldi, eins og við sáum svo eftirminnilega á Gamlársdag, þá er málstaðurinn dauður!

Mótmælaróður hertur

Athugasemdir

[Heimir Lárusson Fjeldsted, 3.1.2009 kl. 14:35]

Tek undir hvert þitt orð Sigurbrandur.

[Sigurbrandur Jakobsson, 3.1.2009 kl. 14:44]

Kærar þakkir Heimir. Það fer að koma mál að linni.

[Ástþór Magnússon Wium, 3.1.2009 kl. 15:08]

Lögreglunni ber að skerast í þetta mál. Það er verið að brjóta á réttindum barnsins. Lögreglan hefur fengið tilkynningu um þetta:

Kommúnískum áróðri troðið í 8 ára barn

"Raddir fólksins" eru gersamlega að ganga fram af mér, þótt ég af öllu hjarta styðji friðsamleg mótmæli gegn ríkisvaldi sem er að troða lýðræðinu í ræsið með þaulsetu ráðherra langt yfir þeirra vitjunartíma.

Í því ástandi sem er að skapast hér í kjölfar þess að bankar og hagkerfi er hrunið, er nauðsynlegt að ráðamenn axli ábyrgð, leiti til forseta að skipa utanþingsstjórn í "björgunarleiðangurinn" og boðað sé til nýrra kosninga. Þetta er fullkomlega eðlileg krafa og þeim sem þykir vænt um landið sitt eiga með friðsömum mótmælum að krefjast þess að þetta sé gert.

Hisvegar set ég spurningarmerki við ábyrgðarleysi þeirra foreldra sem stilla óþroskuðu barni sínu á kommúnískan ræðupall framan við þúsundir manns.  Í raun finnst mér það verkefni fyrir Barnavernd að kanna fjölskylduaðstæður barnsins og hvort ástæða sé til inngripa í uppeldið.

Við hlið barnsins er kynntur einn harðasti kommúnisti Íslands, Einar Már Guðmundsson sem er m.a. einn aðstandenda Dagblaðsins Nei sem aðstandendur kynna á netinu sem "kommúnískt dagblað".  Einar hefur unnið sem moldvarpa kommúnista í mótmælum hér, bæði hvað varðar fundina á Austurvelli og Opinn Borgarafund. Kemur þar bæði að skipulagi og ítrekað sem ræðumaður.

Öðrum sem gætu haft önnur sjónarmið fram að færa er gjarnan úthýst. Þannig var mér t.d. varpað á dyr með ofbeldi af þremur fílefldum karlmönnum af einum skipulagsfundinum eftir að Einar Már og félagar héldu atkvæðagreiðslu að sovéskri fyrirmynd um að mér skyldi vísað út fyrir þær sakir að hafa deilt á vinnubrögðin.  Ádeilan sem ég hafði sett fram var að yfir 70% af ræðumönnum á Austurvelli tengdust flokknum Vinstri Grænir á meðan fólki úr öðrum flokkum var meinað að tala á mótmælafundum.

Ég hafði trú á Vinstri Grænu þar til ég varð vitni að vinnubrögðum þeirra og hvernig þeir fótum troða lýðræðið á fundum sínum. Nú hef ég áttað mig á því að þessir aðilar stefna á að koma upp kommúnísku ríki á Íslandi að fyrirmynd Sovétríkjanna og Kína.

[Rannveig Jóhannsdóttir, 3.1.2009 kl. 16:30]

Það var rétt ´´Astþór!!  Þessi mótmæli eru svo gersamlega komin úr böndunum, að nota börn sér til framdráttar er bara ekkert annað en andleg misnotkun á barninu, það er pottþétt að í kjölfarið koma margar svefnlausar nætur hjá þessu barni. Gera foreldrarnir sér virkilega ekki ljóst hversu mikið álag þeir eru að leggja á barnið, fyrir utan það að börn á þessum aldri gera sér engan vegin grein fyrir því hvað er í gangi.

[Sigríður Hulda Richardsdóttir, 3.1.2009 kl. 19:00]

Hvers vegna haldið þið að einhver hafi stillt þessu stúlkubarni upp? Getur ekki verið að börn hugsi sjálfstætt, og vilji tjá sig um málefnin?

Þetta barn hefur ekki verið misnotað að neinn hátt. Stúlkan bað sjálf um að vera á mælendaskrá, og vegna þess að hún er greind 8 ára stelpa, sem getur svarað vel fyrir sig, fékk hún leyfi til þess.

Það er engin von um betra Ísland, ef þessi gjaldþrota kynslóð sem ræður ríkjum núna, leyfir ekki börnum og unglingum að tjá sig um landsmál. Það eru þau sem þurfa að borga vitleysuna og fall þjóðar. Og ykkur til upplýsingar, þá er ungviðið vel greint og getur því betur myndað sér sínar skoðanir, guði sé lof.

[Sigurbrandur Jakobsson, 3.1.2009 kl. 20:25]

Þetta er ekki sirkus!!!! Landsmál eru ekki barnaleikfang.

"Það er engin von um betra Ísland" , þetta er lýsandi dæmi um þá múgæsingu sem á sér stað í dag. Þess vegna er líklega best að hafa fyrir börnunum að, vegna þess að "engin von er um betra Ísland , þá sé allt í lagi að beita ofbeldi og skemma eigur annara ekki síst ef það eru eigur einhvers hugsanlegs auðmannafyrirtækis eins og 365 miðla.

Ég er nú hreinlega að verða búinn að fá nóg af þessum æsingaröflum, heimsendasinnum og skemdarvörgum sem, taka ofbeldi fram yfir rökræður. Sem betur fer er ég að fara á sjó á morgunn og fá hvíld frá þessu rugli í nokkra daga, (nema þið sendið sómalska sjóræningja á eftir mér).

Hafið það gott í ykkar neikvæða heimi.