Dúndrandi sumarskjálfti

Jæja það er að verða kominn júnímánuður á almanakið og björt sumarnóttin að ná hámarki. Það er ekki hægt að segja annað en sumarið byrji með látum á Suðurlandi, og það er mikil guðs mildi að ekki urðu stórslys. Spurningin sem brennur samt á manni er sú, að fyrst skjálftarnir 2000 voru ekki stóri Suðurlandsskjálftinn, var þetta þá hann, eða má búast við þessu aftur innan fárra ára?

Sjómannadagurinn er svo á sunnudaginn með miklum dýrðum víða um land. Í sumum höfnum er hann að vísu orðinn aflagður í hátíðlegri mynd, því miður. Hér fyrir vestan verður mikið um dýrðir bæði í Ólafsvík og Rifi. Að sjálfsögðu verðum við í Rifi og ég ætla að róa með strákunum. Vonandi gengur þetta vel hjá okkur. Hátíðahöld við hafnirnar verða á morgunn, og á sunnudag verður svo sjómannahóf.

Eftir helgi er svo síðasti túrinn framundan og í vikuni þar á eftir verður svo viku afslöppun í Búlgaríu í boði starfsmannafélags Örvars SH. Við erum búnir að vera mjög duglegir að safna í sjóð í vetur og afraksturinn er sá að við förum nánast frítt til Búlgaríu, og þá er gjaldeyrir líka með í sjóðnum. Geri aðrir betur.

Gleðilega hátíð

Athugasemdir

[Sigurbrandur Jakobsson, 31.5.2008 kl. 15:26]

Takk Ingunn og sömuleiðis. Það mun víst vera nóg um að velja í Reykjavík þessa dagana.

[Sigurbrandur Jakobsson, 1.6.2008 kl. 12:14]

Já blessuð vertu þetta er nú ekki svo erfitt hjá okkur allavega og launin betri. Plús það maður fær frið þegar maður á frí. Það var það leiðinlegasta hjá Strætó að þegar það var frí samkvæmt vaktaplani og maður búinn að plana eitthvað. Þá var svo erfitt að segja nei við boðinin aukavakt

[Sigurbrandur Jakobsson, 1.6.2008 kl. 16:35]

Nú hvernig líkaði þér á Flæmska?

[Sigurbrandur Jakobsson, 2.6.2008 kl. 09:56]

Nei þetta hefur verið mikið ævintýri fyrir þig. Þetta er reyndar kannski allt svona frekar erfitt í fyrstu. En svo venst þetta. Það hlítur að hafa verið rosa útilega að vera þarna á Flæmska