Vegagerð í Gufudalssveit

Það er orðið langt síðan ég setti staf á blogg, en nú get ég ekki þagað lengur, (þó sumir vildu það kannski). Það sem mér liggur þungt á hjarta núna, og það mjög þungt er þróun mála í sveitini minn Gufudalssveit.  Sú stefna sem sem vegalagning um Gufudalssveitarhluta Reykhólahrepps, er þeim sem hana ætlar að taka með einvaldi sínu til ævarandi minkunar og skammar, innanríkisráðherranum Ögmundi Jónassyni. Mest sátt og vonir eru við láglendisveg yfir Þorskafjörð frá Kinnarstöðum, og þaðan út með Þorskafirði gegnum Gröf og Teigskóg, út á Hallsteinsnes, þaðan yfir Djúpafjörð og Gufufjörð í Skálanes, en þá er komið saman við nýjan veg sem nær samfelt yfir Klettsháls, en í Múlasveit er en kafli fyrir Litlanes sem á að fara í framkvæmdir á næstuni, svo þá er þrætu eplið sem Ögmundur bjó til það eina sem eftir er í endurnýjun vega í Reykhólahreppi.

Sú leið sem Ögmundur vill fara í andstöðu við heilt hérað, er að fara þá leið sem fyrir er, um hálsana. Leið sem er snjóþung og illviðrasöm. Leið sem aldrei verður sátt um. Leið sem veldur mun meira raski en nokkurntíman að fara B leiðina um Teigskóg. Leið sem aldrei á eftir að styrkja byggð á sunnanverðum Vestfjörðum. Leið sem hlýtur að verða þegar upp er staðið mun kostnaðarsamari en sú leið sem hann vill ekki heyra minnst á. Raunhæfasti kosturinn í stöðuni væri eftir alltsaman að fara sér hægt, fresta ákvörðunum, og fullkanna frekari möguleika á þessum leiðum A og B. Leið A lægi þá framhjá Reykhólum, sem en gæti aukið möguleika á uppgangi þar í þjónustu við ferðamenn og í mörgu fleiru og gæti því en frekar styrkt stoðir undir blómlega byggð þar og fjölbreytni í atvinnulífi. Frá Reykhólum lægi svo leiðin út að Stað og þaðan yfir Þorskafjörð yfir í Skálanes. Stytting um tugi kílómetra, en ég er ekki alveg með þá tölu í handraðanum. Í Staðarhöfn er nú þegar að byggjast um talsverð ferðaþjónusta kringum siglingar útí Breiðafjarðareyjar og um norðanverðan Breiðafjörðinn. Stæðsti kosturinn er samt sá að svæðið frá Kinnarstöðum í Skálanes sleppur alveg við það mikla rask sem fylgir því að leggja upphleyptan veg.

Auk þessa myndi það en frekar styrkja byggð og möguleika á frekari byggð undir Reykjanesi, á Skálanesi og alveg inní Kollafjörð auk þeirra bæja sem en eru í byggð í Gufudal. Það er kannski verra með Djúpadal, en hann lendir eiginlega þarna á milli en það er víst ekki allt fengið. Í Kollafirði er byggð að leggjast af og hefur svo verið í gerjun í ein 30 ár. Nú held ég að Skálanes sé eini bærinn í byggð á því svæði sem segja má að teljist til Kollafjarðar. Það sem hefur því aðallega valdið að svo er komið fyrir Kollafirði er hve afskekt er vegna slæms vegasambands og fjarlægðar við Reykhóla. Samt blasa turnarnir í Karlsey við frá Skálanesi séð í svo stuttri fjarlaægð að það er grætilegt.

En þessum möguleikum ætlar Ögmundur Jónasson öllum að fórna fyrir sína heimskulegu ákvörðun og Salomónsdóm. Vonandi endurtekur sig ekki 50 ára gömul saga, þegar vegur var lagður á tvo bæi á Bæjarnesi uppúr 1960. Tveim árum eftir að vegurinn kom fóru þeir í eyði. Það sem ég meina er að ekki verði lagður vegur sem stuðlar frekar en hitt að því að byggð í einhverjum hlutum eða öllum Reykhólahreppi leggist af.

 Láttu nú af hrokanum Ögmundur og hlustaðu á fólk. Í sjónvarpsviðtali í gær krafðist þú þess að aðrir heilt hérað breytti sínum hugsanahætti, fólk sem bara vill geta búið í sínu héraði í sátt og öryggi. En Ögmundur þú vilt ekki á það hlusta. Sem stoltur landeigandi í Gufudalssveit og það Kollafirði, leyf ég mér að fullyrða það Ögmundur, að ef þú skoðar málið af skynsemi en ekki hroka, gætu kraftaverkin farið að gerast og þín minnst með mikili virðingu og hlýju.


« Síðasta færsla | Næsta færsla »

Athugasemdir

1 Smámynd: Jóhann Elíasson

Ég get bara ekki með nokkru móti séð hvað er svona merkilegt við þessar HRÍSLUR í Teigsskógi?????    Ég efast um að þetta "náttúruverndarlið" fyrir sunnan hafi nokkurn tíma séð þetta svæði enda er ekkert hlaupið að því að komast þarna um..........

Jóhann Elíasson, 21.9.2011 kl. 14:39

2 Smámynd: Sigurbrandur Jakobsson

Það skilur engin og það eru eigendur jarðana 3 sem vegurinn fer um sem andæfa á móti þessu. Það eru lélegir vegaslóðar á tvo vegu að þessu svæði sem vegurinn fer um og annar leggst þá af og eyðibýlið sem þar er kemst nær siðmenninguni. En þetta eru jú svo sem einhver rök og því spyr ég hversvegna ekki að skoða betur skynsamlegustu og styðstu leiðina þó dýr sé, því það margskilar sér í auknum áviningi fyrir byggðirnar sem þarna um ræðir Tálknafjörð, Vestubyggð og Reykhólahrepp, og áhrifana mundi gæta allt suður í Dali. En nei Ögmundur Jónasson ætlar að kenna mönnum að hugsa rétt gangi honum vel við það

Sigurbrandur Jakobsson, 21.9.2011 kl. 20:03

Innskráning

Ath. Vinsamlegast kveikið á Javascript til að hefja innskráningu.

Hafðu samband